影片
更多
2019-05-20
5162 浏览
旧年年尾曾到访过「稻成」，觉得环境幽雅、招呼熨贴、食物有水准，而3月去咗一转长旅行，事隔一个多月，大家话搞个重聚日，就建议嚟「稻成」食番餐，话晒食过先敢推介俾班「老细」。去旅行又好，食嘢又好，揾埋一班志同「稻」合嘅朋友就过得特别开心。之前嚟喺坐大堂，今次被安排晌坐入房（个房可以摆到两围），环境幽雅，感觉更静局，方便我哋重温番旅行点滴。部份老友比我早到埗，已食紧啲前菜（$15 / 碟），趁未齐人，大家就研究吓有咩想食。上次都影过餐牌，目测都无乜点改，只喺调整过价钱而已，所以，今次就唔费时影多次。一般茗茶收$6位，但店长好好人，俾我哋试一试黑杞子茶，小弟井底，都喺第一次饮，色泽蓝蓝哋，仲误会以为喺蝶豆花，味道带淡淡杞子清幽，讲到食疗功效就多啰，增强免疫力、抗疲劳、养肝明目……等等。鸡丝拌粉皮 $52大路得嚟，又稳阵嘅冷盘，等大家可以食住等。鸡丝、青瓜丝切得幼细而工整，跟粉皮、麻酱拌匀，食落口感丰富，有爽、有滑，芝麻味香浓又唔过于黏口。苏式熏鱼 $72熏鱼喺另一款富特色嘅冷盘，肉质挺身而具咬口，咬落唔会一阵风咁，有嚼头，而且，烟熏香极为突出，十分惹味，就算配碗白粥，都够晒作为一餐呀！稻成黑松
之前嚟喺坐大堂，今次被安排晌坐入房（个房可以摆到两围），环境幽雅，感觉更静局，方便我哋重温番旅行点滴。
部份老友比我早到埗，已食紧啲前菜（$15 / 碟），趁未齐人，大家就研究吓有咩想食。上次都影过餐牌，目测都无乜点改，只喺调整过价钱而已，所以，今次就唔费时影多次。
一般茗茶收$6位，但店长好好人，俾我哋试一试黑杞子茶，小弟井底，都喺第一次饮，色泽蓝蓝哋，仲误会以为喺蝶豆花，味道带淡淡杞子清幽，讲到食疗功效就多啰，增强免疫力、抗疲劳、养肝明目……等等。
鸡丝拌粉皮 $52大路得嚟，又稳阵嘅冷盘，等大家可以食住等。鸡丝、青瓜丝切得幼细而工整，跟粉皮、麻酱拌匀，食落口感丰富，有爽、有滑，芝麻味香浓又唔过于黏口。
苏式熏鱼 $72熏鱼喺另一款富特色嘅冷盘，肉质挺身而具咬口，咬落唔会一阵风咁，有嚼头，而且，烟熏香极为突出，十分惹味，就算配碗白粥，都够晒作为一餐呀！
苏式熏鱼
$72
22 浏览
0 赞好
0 留言
稻成黑松露小笼包（$78）、稻成小笼包（$42）有加黑松露当然幽香好多啦，但原味嘅本身都做得唔错，折纹清晰，外皮搓得薄，肉馅松化富肉汁，又无话沟咗好多肥猪肉。
烤北京填鸭 $358（全份） / $208（半份）讲起北京填鸭呢个经典菜式，又有人问，同片皮鸭有咩分别，顾名思义，片皮鸭主要喺片层鸭皮，而北京填鸭就片出皮连肉，唯「稻成」就唔兴堂片，出到嚟就喺一整碟连皮鸭肉、配料及薄饼皮。
烤北京填鸭
33 浏览
0 赞好
0 留言
松子桂花鱼 $258呢一味又喺一道经典菜，经典在于既花功夫，煮起嚟又要有手艺，否则，松子外型走晒样，唔脆又唔好食。然而，依一尾就做得相当出色，一来卖相靓晒，二来个鱼做到外脆内嫩，个汁底酸香唔呛喉。
松子桂花鱼
$258
12 浏览
0 赞好
0 留言
蒜炒莴苣丝 $108咁多肉，点都要有碟蔬菜平衡吓，奶油津白、毛豆百页食得比较多，今次就试吓炒莴苣丝，莴苣丝切得大小均一，入口爽爽哋，简单蒜蓉炒，几香口。
肉蟹炒年糕 $666上海炒年糕、雪菜肉丝炒年糕食得多，店长推介呢一道肉蟹炒年糕，餐牌都无，喺近期推介俾客人嘅秘密菜式。既然个长旅行都使咗唔少钱，都唔志在豪少少食得高兴啲，拣咗3只大肉蟹嚟做，时价计，非常大份！
以份量及有成3只大肉蟹计，又唔算贵㖞，啲蟹真喺堆到成座山咁，蟹肉就故然好鲜味，肉质爽甜，而啲年糕吸收咗蟹嘅精华，令到令件年糕充满蟹香，口感柔韧，真喺无得输。其中一位友人劲钟意食蟹，所以，大赞呢道菜式。
杞子桂花糕人多甜品就最好拣啲易分享嘅选择，桂花糕就喺其一，不过，店长私人醒咗碟俾我哋，所以先会一客有7件咁多。桂花糕冰凉爽身，充满桂花香，又加入好多杞子，清新有营。
雪耳炖津梨部份人就多想试试埋炖雪梨（$38客），呢个都好好食，入口好清润，雪梨好清甜，雪耳极之爽口，好啱女生享用，如果秋冬嚟食，感觉更加一流。
高力豆沙大家怕豆沙窝饼热气，就改以高力豆沙，一客4个（$48客），但可以额外加配（+$14个），如果数口精嘅话，就会发现俾多几蚊点两客仲划算。每个做得涨卜卜，洒满糖霜，外皮软绵，内面放有唔少清甜嘅豆沙馅。
今晚被安排坐晌房，加上隔离枱嘅客都食得快完，八点左右已松人，令到我哋可以更静局嚟倾偈，并重温过多月前旅行嘅点滴及趣事。今晚餐饭，除咗菜式有水准，尤其条桂花鱼及年糕，食得大家津津乐道，而且，服务又够熨贴真喺值得小弟再翻兜！
张贴
