金田家 (已結業)

将军澳中心装修完，就去咗呢度shopping行下街！一楼好多野食，行到最尾，见到呢间由日本引入嘅餐厅就打算试下。黑豚拉面超多黑豚肉！薄切岩岩好！肥瘦就适中。个汤底超浓郁，不过就咸咗少少。啲面都可以自己拣普通，软，硬。本人最钟意多蒜！！所以，一定会剔多蒜！卖相都好靓，好似花开咁！柚子辛口拉面呢个好特别，吾系间间有呢个菜式！个汤底𠮶啲似饮紧柚子蜜咁。之后有啲辣味，好惹味同好开胃！两个面系吾够食嘅！所以就加左溏心蛋！！超级流心。职员话放系汤入面系特别好食，而且会令到佢暖啲！果然冇令我失望⋯⋯粟米就普通，无乜特别，如果加少牛油，可能会好食啲！紫菜都好够脆！巨峰梳打吾算好甜，如果加啲啫喱，可能口感会更好！环境都好干净，服务员有礼貌，会再吃多次！