愛民海鮮酒家

营业中

休息中

周末总想远离市区，所以今次选择咗入流浮山，食我最钟意嘅海鲜，仲可以去附近行吓同埋手信。泊完车，停车飞上有几间酒楼系食完有泊车费回赠，所以我就根据泊车飞上嘅酒楼名称，随意选择左一间未试过嘅。店面唔算好大，装修亦比较旧，不过店员好热情。喺外面拣完海鲜，佢就已经上咗一个海鲜汤，材料有豆腐、菜、鱼、龙虾、大蚬，非常鲜味，而且喺屋企整唔到，因为你唔会买咁多种材料为咗整一碗汤。呢排澳洲龙虾真系好平，虽然喺呢度食已经比外面街市买贵，但价格依然非常吸引，今次叫咗芝士焗，极鲜味，肉嘅质感真系唔系波士顿龙虾可以媲美。另一个我好钟意叫嘅𩠌系砵酒局焗蚝，呢度做得非常之好，虽然今次我哋拣嘅本地号系比较细只，但亦都不失美味。建议下次嚟呢度可以拣比较大只嘅桶蚝。另外我哋叫咗蒜蓉粉丝蒸北寄贝。唔知系唔系北寄贝本身质感问题，蒸完出嚟始终有点银，比唔上食刺身嘅口感，亦都唔似蛏子既嫰滑。睇嚟北寄贝都唔系一个适合蒜蓉蒸嘅品种。