海都車仔麵茶餐廳

营业中

休息中

因为朝早食左两个包顶住，所以晏就个餐就拖到两点零先食，唔想又食番楼下间烧味饭咁闷，又听同事话熟食中心个到有间野唔错，三𩠌面连冻热野饮都系$31，一于去试下啦。一入熟食中心向右望就系海都啦，其实以车仔面黎讲，间野无论系𩠌菜，面底，汤底，饮品，都算多选择，我叫左个鸡扒鸡翼萝卜清汤，饮冻柠水，等左几分钟就整好个餐，店家取餐位个到有好多调味料可以自己任加，另外仲有两大兜葱花同炸蒜，比你决定落又得，唔落又得！其实碗野望落就一般啦，够热，冇咩特别，试左啖面，够弹牙，但有小小枧水味。汤底虽然叫清汤，但系查实都几浓味。萝卜我欣赏有卥过，但系煮得太耐，虽然入味，但系冇左萝卜嘅清甜，而且萝卜细旧又有渣。鸡翼细只，卥得太耐，入味但肉质又鞋又老，感觉像翻煮了两三次。鸡扒更差，只有几块碎块，还是卥得太耐，入味，但肉质直接变柴，就好似卥完之后放左两日雪柜，先抽一抽亁，再翻卥，又亁又韧。柠水太甜，甜过糖水。但睇番个价钱，勉强合格啦。只系同场有咁多间食肆，我应该唔会再选择海都。