Cobo House (已結業)

圣诞节，BB猪话要俾惊喜我，一开始唔话俾我听去LOW-TEA，冇错系LOW-TEA而唔系HIGH-TEA,佢话英式传统LOW-TEA先系指贵族叹果D下午茶。去到门口都觉得几惊奇，因为间店系坐落系西宝城后面嘅单幢住宅的地面位置，唔留意睇真系唔觉佢嘅存在，餐厅旁边系一家西饼店，有机会再介绍。BB猪话小店最出名系佢嘅LOGO朱古力，一定要试下。我地点左一个圣诞TEA SET。每人配一种茶，我就点左云尼娜红茶，闻落好香，味道淡，但配搭食物的话就是不错。过左一阵主角上来了，是一个仿中式的八宝架设计，层层都有不同的咸点或甜点。我已经食指大动，但系侍应请我地等等，他回头就在架上洒爆谷，增添节日气氛咁多种食物我最钟意用食用花做的春卷^_^仲有就系南瓜汤包过左一阵有另一对情侣来到我们旁边的位置坐下，距离相当接近，他们唔知做咩事在美好的假期、美好的食物面前吵架起来……希望他们而家已经和好了吧～侍应在送TEA SET架给他们时不小心有些汁液洒到皮鞋上，而他竟然就在我们面前很随意地拿张纸巾就抹鞋……之后他有打算洗手吗～？希望有吧…不然就……这家走高级风格路线的店，希望卫生上能追上价格定位。