ASOK THAI GARDEN

营业中

休息中

今日行开去荃湾打卡，影相影吓圣诞节装饰，行攰咗揾咗间泰国餐厅晚膳。门口已被白色外墙吸引了，入到餐厅很有情调，灯光有点昏暗，感觉浪漫。也带点东南亚风情。柚子红石柚沙律主要材料有柚子和番石榴，仲有沙律菜和小红茄，番石榴果子脆卜卜同柚子味道几夹，食落清清地唔会辣，加咗少许腰果，增添了口感。泰式生虾刺身虽然虾唔算好大只，胜在够新鲜爽口。配上了特制酱汁，不错。蒜香炒野有不同种类的菇一齐煮，加咗蒜蓉去炒特别惹味。红咖喱鸡配白饭另加印度煎饼我哋拣咗一只最吾辣的红咖喱，咖喱汁调制得好柔和，带点椰香。鸡件份量足，煮得好嫩滑，有茄子和薯仔做配料好入味。印度煎饼配咖喱相当唔错。北海道带子娘惹牛油猫耳粉牛油猫意粉带少少香辣，口感烟烟韧韧细细粒几特别，带子新鲜大只。焦糖榴连挞配雪糕非常有惊喜，焦糖榴梿挞，上枱已闻到榴梿味，榴梿加焦糖外脆内软，感觉特别，少少热热地再配上冻冰冰的雪糕，层次丰富，值得推介。