埠 (已結業)

一流海景烧明太子，细切一片片，好有咸香味，食咗几片觉得咸咗啲，而餐厅加咗啲萝卜蓉，配埋一齐食，中和返啲咸味，啱啱好！烧物叫咗两样，墨鱼肠同埋安格斯肉眼。餐厅专登用咗载着啲石头嘅烧炉，一路热住啲烧物!墨鱼肠好特别颜色，好深色黑黑地，加咗啲墨汁。味道香甜，入边仲有啲墨鱼粒。肉眼好有牛味，入边啲肉汁都多。松叶蟹肉饭团，饭团两面烧到卜卜脆，入面夹杂着啲蟹肉丝，配埋啲浓香蟹膏好夹好好食！关东煮，上枱用炉一路热住!入面有好多酙料，杂菜粉丝福袋、半熟鸡蛋、魔芋等等。汤汁香甜浓郁，热辣辣食，赞！御盛饭，有碗面试汤、一碗白饭、蒜头渍物。蒜头腌左，食落少少咸几香，脆脆地，味道唔似蒜头味，但配饭又好好食。松叶蟹肉锅烧乌冬，上枱可以用炉热住！入面好多蟹肉，啲乌冬弹牙，粗细适中，配埋啲蟹肉好好食！蟹肉味道愈煮愈浓！整体食物有质素，景观一流！