Chef's Stage Kitchen

营业中

休息中

放假和朋友行将军澳，咁岩见到呢间餐厅，系出面睇已经好有feel,睇完餐厅觉得唔错就入去试下。餐厅内环境十分舒适，枱上有蜡烛仔显得更有浪漫感，店员亦十分有礼貌，坐底无耐仲睇紧餐牌既时候，店员已经俾咗一份面包我地食住先，非常贴心。面包虽然食落无乜特别，但配上个甜甜酸酸既酱汁一齐食，十分开胃。我地睇完餐牌后决定单点，叫咗一份墨西哥玉米脆片、黑松露卡邦尼粗管面同炭烧日本猪腩，而野饮就叫咗蜜桃冰茶同埋薄荷芒果沙冰～大致上所有食物都好好食，尤其系黑松露卡邦尼粗管面，个酱汁非常浓郁，黑松露味极强，仲有一片片劲薄嘅芝士系里面，超好食～极力推介。而个日本猪腩都好好食，好香既炭烧味，口感亦好好。