Sky726

今晚同好姊妹补祝生日, 特意book咗间之前帮衬过兼几有浪漫情调嘅西餐厅。弥敦道726号最高层嘅餐厅--- Sky726, 餐厅面积不大, 但特大窗口减少了环境压迫感, 再加上暗黑灯光, 浪漫气氛爆灯!黑松露薯蓉: 薯蓉质感绵密幼滑, 黑松露味超浓郁, 令人忍不住一啖接一啖食, 超推介!!!Sky726秘炸鸡软骨:鸡软骨炸得酥脆, 毫不油腻, 软骨爽口, 配上松露酱提升味道。意大利手卷意粉伴野菌、辣肉肠、巴马臣芝士:手卷意粉偏实在, 保留了意大利传统煮法, 辣肉肠被切成丝条, 将野菌、酱料同埋巴马臣芝士捞埋一齐, 热力将芝士熔化, 每条手卷意粉都能挂汁, 细味食到辣肉肠嘅微辣。香草烧春鸡:春鸡表面布满香草, 香草味极重。春鸡唔会太干, 有返少少肉汁。伴有超酥脆薯角。