The Pearl

加连威老道有间新酒店，原来酒店入面有间西餐厅装修得好靓，朋友约喺呢度食饭，先知有呢间西餐厅，我地就简咗烟三文鱼芝士卷,个摆盘好精致，烟三文鱼夹住芝士,露荀同海带，上面仲铺满好多蟹子，一啖食落去个口感好得意，有脆卜卜嘅蟹子，好creamy嘅芝士同咸咸地嘅烟三文鱼，唔错。香煎北海道带子，d带子都几大粒，粒粒煎到表面焦焦香香，入面仲好嫩滑，点埋佢地嘅酱汁一齐食，好夹。烤澳洲羊西冷，烤得啱啱好，唔会过熟，食落肉质仲好juicy,唔会太干，肉味都好浓。烩澳洲牛面颊，烩到牛面颊非常淋，完全入晒味，佢仲配埋牛肉薯饼，个薯饼炸到脆卜卜，入面d薯蓉加埋d牛肉碎，几好食。叫咗2杯Mocktail,2杯都好精致，好靓First night，系热情果加提子汁，酸酸甜甜好开胃。First kiss,系玫瑰花茶加苹果汁，饮落清清地唔太甜。