快樂小羊火鍋餐廳

营业中

休息中

骗徒手法层出不穷🤬🤬🤬同朋友一行四人都想食羊肉于是订咗 7:30 枱我哋齐人准时 7:30 到达佢话要等一阵，叫我地坐低先仲话我哋系等第一张枱，有客埋紧单🙄🙄🙄于是一直等等等。中间都有客人不停出出入入，有叫号码但系从来都冇叫过我哋...7:45 走去问佢，佢又系话第一张系我哋，头先叫𠮶啲系二人枱同埋六人枱，未有四人枱所以仲未轮到我哋，叫我地耐心等候，中间亦有请我哋饮酸梅汤，扰扰攘攘又过咗半个钟...🌚🌚🌚8:15 我哋发现有 walk in 后过我哋入嚟，都上咗去食，再问佢佢居然话我哋订 7:30 枱，之前客人全部系 6:00 入座，咁客未埋单，佢哋又唔可以赶客走，但又冇同客讲话有限交枱时间，又话应该差唔多埋单，氹我哋等多一阵，应该好快有枱了，心谂...6:00 食到 8:15 都应该差唔多食完啦！于是又俾佢氹到又傻傻等...😤😤😤8:30 有乜理由成个钟都冇一张四人枱埋单走㗎！分明吹水啦！再问，佢话个客埋咗单，执紧枱，等执好枱就可以叫你哋上去啦！🔥🔥🔥最后要等到 8:50 终于上到去啦！但张枱仲执紧，响旁边等左一阵终于可以坐低叫嘢食啦！大家等咗咁耐，一定觉得再难食嘅嘢都系人间美食啦！