影片
更多
2011-09-16
134 浏览
19 楼海境真系好正，全落地玻璃，最衰铁板烧枱大多远离窗边，只有一张系对正既，如果坐寿司吧就完全睇唔到海境添 ~ 服务都属中上级，热情有礼、面带笑容，比人种舒服感觉 ~ 菜式创新特别，亦好吸引，出品质数 good ﹗18:00 既餐厅好宁静好舒服，可以好安心地欣赏 19 楼美丽既黄昏同海境 ﹗本想坐铁板烧既 window seat，但只得一张，又已被食客 book 左喇。月圆之夜，唯一一张对海铁板烧枱比人 book 左，仲系只得两个人，咁都得架咩？两个人可以霸成张十人枱？墙上装饰都好特别，入场饰柜内放既系新鲜和牛同蔬菜。系铁板烧枱既右手面系放满不同日本清酒既酒柜。客人一坐低，由立即预备好调味料喇，芝麻酱同蒜味豉油配肉类，淡豉油配海鲜类，日式铁板烧都大同小异。饮返杯热腾腾既绿茶，休息左一阵，就预备 order 开餐喇 ﹗研究完个 menu，发现价钱较一般既高昂，最平一套个人餐每位要 HKD1600，下次先试喇。最后决定 order 二人餐啦，每位都约 HKD1000。酱油茄子，先黎个前菜开一开胃，淡淡既酱油味已完全渗入软棉棉既茄子之中，简单、清淡既冷盘清一清味蕾，感觉好奉 ﹗烧鳕鱼配牛油
18:00 既餐厅好宁静好舒服，可以好安心地欣赏 19 楼美丽既黄昏同海境 ﹗本想坐铁板烧既 window seat，但只得一张，又已被食客 book 左喇。月圆之夜，唯一一张对海铁板烧枱比人 book 左，仲系只得两个人，咁都得架咩？两个人可以霸成张十人枱？墙上装饰都好特别，入场饰柜内放既系新鲜和牛同蔬菜。系铁板烧枱既右手面系放满不同日本清酒既酒柜。
客人一坐低，由立即预备好调味料喇，芝麻酱同蒜味豉油配肉类，淡豉油配海鲜类，日式铁板烧都大同小异。饮返杯热腾腾既绿茶，休息左一阵，就预备 order 开餐喇 ﹗研究完个 menu，发现价钱较一般既高昂，最平一套个人餐每位要 HKD1600，下次先试喇。最后决定 order 二人餐啦，每位都约 HKD1000。
酱油茄子，先黎个前菜开一开胃，淡淡既酱油味已完全渗入软棉棉既茄子之中，简单、清淡既冷盘清一清味蕾，感觉好奉 ﹗
烧鳕鱼配牛油香草汁。伴菜茄子、车厘茄、脆肉瓜、香草牛油汁加埋橄榄油，全部捞埋，十足一个暖沙律，新鲜、多汁、爽口、棉滑、醒神开胃混于一身，美味 ﹗鳕鱼外脆内嫰，外层煎到金黄香口、内里则保持嫰滑多肉汁，good ﹗
活波士顿龙虾，仲识郁同札札跳架 ﹗一般应该先展示比食客见到系活既先会开始烹调，但今次依位女师父忘记左喇。烹调过程中不外乎拆肉炒球、攞虾膏做汁。大多日式铁板烧都会再𪷽酒抢一抢火，助助庆，让大家精神吓，又可以让龙虾肉更爽更香，但原来此店一向唔咁做架呢。
波士顿龙虾球配虾膏龙虾汁，个酱真系好鲜好正好美味，一滴不漏放晒入 ﹗龙虾球爽口鲜味，炒得香口非常，而且仲保存到淡淡海水味道，全晚最好食既一道菜，好好好食 ﹗
日式香煎鹅肝配鲜菠萝，好特别既配搭，可减去油腻感。鹅肝未算非常肥美，加酱油同吃，还可以啦。因为鹅肝较油腻，所以大多会配生果或带酸既酱汁将其油腻感降低。
冷冬瓜沙律，配菜有生葱段、火箭菜、生京葱、木鱼碎，奇怪地我今次完全无反胃既感觉，居然可以将我由细到大都食唔到既生葱生京葱全部食晒落肚 ﹗系咪种唔同呢？冬瓜用日本酱油煨得入味，口感软腍腍，好熟识既味道，好清凉 ﹗好好食 ﹗
美国牛柳，我当然要最嫰既 3 成熟，朋友仔要食 5 成。肉质入口非常嫰滑，肉汁丰富。系淡口啲啰，仲唔够热，有部份仍然系冻架，似乎依位女师父有啲牛准㖞，我都知 3 成系好难做。牛味好淡，要加点酱油添味，都算合格啦。伴菜既露荀爽口清甜、冬菇肥美充满水份、蕃薯粉口带甜，good good good ﹗全部清晒，好味。
面豉汤，热腾腾，我最爱饮汤 ﹗好快又到美声喇，系时候清一清口腔，饮淡热汤，添点腌咸左既白萝卜、青瓜同牛蒡，好舒服，好优悠既感觉。
蛋炒饭，只加左少量青椒粒同洋葱粒，无其他材料喇。姐姐见我话唔够饱，尊登免费送我地每人一只荷包蛋，咁我唔客气喇，多谢。个炒饭无咩味道，总之早前食多几道菜啦。蛋炒饭，无味道，就算加豉油都无补于事 ﹗
柚子雪巴，酸酸地带甘味，我钟意 ﹗最啱唔爱甜既我，甘甘甜甜真系几好味。食左咁多油腻食物，清清肠胃最好。
张贴
