戀上台式料理

营业中

休息中

海旁大部份都系西式餐厅，今日经过见倒依间台式料理决定去试吓。- -餐厅除咗有Set、小菜，仲有烤鱼套餐同烧肉，今次我点左烧肉，烤炉使用固态燃料，感觉完全冇油烟。-日本A1和牛 $168和牛有两大片，用咗盐同少量黑椒腌肉，食落微咸又唔会盖过肉香，肉质口感嫩，烧耐咗都唔会韧身。-汁烧鱿鱼头串(4串) $78满满一串嘅烧鱿鱼，味道香口，钟意海鲜嘅朋友必试，烤肉嘅时候记得落多啲烧汁，甜甜地先够惹味。- -盐酥大大鸡扒刀削面 $88脆炸鸡扒大件到要搭起两层，点上类似千岛酱嘅酱汁，鸡肉嫩滑，外皮酥脆。刀削面好大碗，汤底入味。餐点仲附有花生、木耳、甜萝卜等前菜。- -烧鸡泡鱼干 $68鱼干香甜味鲜，口感偏硬，好适合作为饭前/饭后小食。- -恋上生煎包 $38生煎包粒粒都好饱满，咬落去好多肉汁，味道带有姜味，肉馅足料。- -Pinku Pinku $45玫瑰荔枝鲜奶冰超好饮，面头有忌廉同奶盖嘅香滑，沙冰有玫瑰荔枝嘅清香，夏天饮既清凉又解渴。