新潮發海鮮菜館

营业中

休息中

最近听讲香港人放假全部唔系返内地同就系去旅行，所以依家长洲都少咗好多游客。今日难得放假就同女朋友入去周围行吓食吓嘢放松心情，中环码头坐船九个字左右就到咗，一落船我同另一半都有啲肚饿，所以大家就沿着海旁行，喺海旁见到有一排大排档。大大话话大概都有十间大排档左右，拣咗呢间比较多顾客帮衬嘅 “新潮发海鲜菜馆” 任选套餐呢个设计相当唔错，而且菜式种类都好多，叫咗豉椒炒蛏子、椒盐鲜鱿、豉汁蒸白鳝，另外餐厅仲送咗油菜同埋粟米羹。椒盐鲜鱿沾上薄薄炸浆，炸至呈金黄色，口感爽口弹牙，而且份量亦好多。非常惹味嘅豉椒炒蛏子同样都系大大碟，每只蛏子都无沙洗得非常干净，而且肉质饱满弹牙。最后呢味豉汁蒸白鳝，鳝肉非常新鲜，半点腥味都无，而且肉质爽口又有营养价值，就算要另加 $30 都合理。