海南少爺 (已結業)

海港城向来都好多野食，喺戈度食过几间餐厅，质素吾错之余仲多数望到靓景✨前几日又去咗戈度hea吓行吓街～都有一段时间冇食星马菜，海运大厦戈度见到有间星马菜真系几有兴趣。首先食咗小食先，沙嗲拼盘，猪肉同鸡肉各有3串，猪肉口感偏向结实，比较中意鸡肉淋淋哋嘅口感。酱汁都几辣，够惹味🔥吾食得辣嘅人吾好点太多😉餐厅招牌菜——招牌海南鸡饭，海南鸡饭同一般海南鸡饭一样，配3种酱汁(黑酱油/ 姜蓉/ 辣酱)，鸡肉好嫩滑，个人最中意沾黑酱油，甜甜嘅味道配鸡肉好夹。鸡汤清甜，可以拣白饭或者油饭，油饭都吾会好油腻。食星马菜又点可以吾食喇沙？海鲜喇沙材料十分丰富，有鸡蛋、豆卜、虾、鱿鱼、鱼片，可以拣要吾要参巴酱，拣咗要黎试试。豆卜好入味，各类海鲜都好新鲜，汤底稍微辣咗啲，椰香味浓郁。食完重口味嘅野，食个甜品滋润番先☺️海燕窝炖椰皇，呢个真系好好味😍椰皇入味系有海量椰肉，仲有好多椰皇水。一黎到戈阵系液体状态，摆咗一阵会变咗固体。