Da Filippo Trattoria (已結業)

意大利菜感觉好似高级又贵，唔系人人食得起，而家海港城就有一个入门版选择，仲要有米芝莲一星厨坐镇。呢度主打意大利传统家庭菜，价钱唔会好贵，仲有面包蛋糕卖，够大众化。意大利菜常见的意粉薄饼唔少得，其他的经典菜式亦都有。经典肉酱扁意粉扁意粉外型独特，弹牙又有蛋香，将平时食开既肉酱意粉带来新鲜感。千层提拉米苏杯摆碟卖相充满诚意，打咭甜品非佢莫属。Tiramisu二人享用都不过份，有香滑质感，咖啡香味亦恰到好处，打完卡食佢一次过满足晒两个愿望。情人眼里出肉肉听个名都知岩晒”食肉兽”，pizza 上面有五种火腿，火腿多到数唔晒，配上水牛芝士，满口咸香味。饼底同样自家制，烟烟韧韧，口感丰富。牛肉他他平时食到的牛肉他他不再独沽一味，今次有五款配料自由配搭，咁多组合就算食晒成碟都唔会觉得腻。经典法式洋葱汤洋葱汤落足料，完全将精华带出，平时饮开洋葱汤真系唔好错过。经典法式牛扒牛扒卖点唔系大件，不过就好厚身，而且切开牛扒亦够鲜嫩，叫medium已经好够做。配菜薯蓉自己都好钟意，整个配搭都几好。