影片
更多
2021-06-25
1416 浏览
海港城嘅优惠卷月尾到期，所以星期日就出咗去睇吓有冇嘢买，同埋食个午餐。我同朋友拣咗去位于港威商场地下嘅「Espresso Alchemy」，幸好过咗食晏时间，唔使等位就入得✌🏻。呢度采用半自助模式，堂食嘅客人先入座，然后慢慢睇餐牌，再自行去收银处落单🧾。留意返，餐厅分开咗两边㗎，座位区同厨房系打对面舖位的。店内有唔少座位，个人认为两个人靠窗边坐会比较舒服🪟，因为可以自成一角。餐厅嘅食物选择比预期中多🍽，佢并唔单止得咖啡饮，而且仲有提供埋沙律、意粉、意大利饭、三文治、汉堡包以及全日早餐等。虎虾车厘茄意大利饭($128)，意大利饭有几款口味，我估计蕃茄𠮶款会惹味啲🍅，所以拣咗佢，出到嚟亦冇令我失望。意大利饭好够味，当中加入咗车厘茄、萝卜条、洋葱粒同芝士碎，整体唔会太酸。🍚饭本身嘅口感都唔错，几有咬口。至于虎虾就有三只，去咗壳食得方便，兼且煎得几香🦐。青酱鸡排沙律($79)，🥗呢道菜嘅份量比想像中多好多，鸡排同沙律菜同样多，所以女仔食佢一定够饱肚。🐔鸡排应该系用上鸡胸，肉身呈雪白色，排列整齐。鸡排肉质唔嚡，圆形一片片嘅外围用咗青酱调味，所以食落唔清淡。沙律菜新鲜爽脆，酱汁似系用咗柠檬醋，无黑
海港城嘅优惠卷月尾到期，所以星期日就出咗去睇吓有冇嘢买，同埋食个午餐。我同朋友拣咗去位于港威商场地下嘅「Espresso Alchemy」，幸好过咗食晏时间，唔使等位就入得✌🏻。
呢度采用半自助模式，堂食嘅客人先入座，然后慢慢睇餐牌，再自行去收银处落单🧾。留意返，餐厅分开咗两边㗎，座位区同厨房系打对面舖位的。
店内有唔少座位，个人认为两个人靠窗边坐会比较舒服🪟，因为可以自成一角。
餐厅嘅食物选择比预期中多🍽，佢并唔单止得咖啡饮，而且仲有提供埋沙律、意粉、意大利饭、三文治、汉堡包以及全日早餐等。
虎虾车厘茄意大利饭($128)，意大利饭有几款口味，我估计蕃茄𠮶款会惹味啲🍅，所以拣咗佢，出到嚟亦冇令我失望。意大利饭好够味，当中加入咗车厘茄、萝卜条、洋葱粒同芝士碎，整体唔会太酸。🍚饭本身嘅口感都唔错，几有咬口。至于虎虾就有三只，去咗壳食得方便，兼且煎得几香🦐。
青酱鸡排沙律
$79
15 浏览
0 赞好
0 留言
青酱鸡排沙律($79)，🥗呢道菜嘅份量比想像中多好多，鸡排同沙律菜同样多，所以女仔食佢一定够饱肚。🐔鸡排应该系用上鸡胸，肉身呈雪白色，排列整齐。鸡排肉质唔嚡，圆形一片片嘅外围用咗青酱调味，所以食落唔清淡。沙律菜新鲜爽脆，酱汁似系用咗柠檬醋，无黑醋咁浓烈，菜式感觉健康。
西多士伴鲜浆果雪糕配枫糖浆
$69
7 浏览
0 赞好
0 留言
西多士伴鲜浆果雪糕配枫糖浆($69)，我好钟意食西多🍞，特别系甜品𠮶种，因为多士嘅质感更为松软。西多士好重蛋香，配上枫糖浆食，甜丝丝的，但美中不足嘅地方系佢中间竟然加咗果酱🍓，搞到佢无啦啦又有啲酸。多士以外仲有一球云呢拿雪糕，味道几特别🍨。题外话，如果唔拣枫糖浆，可以拣餐厅自家制焦糖酱。
Iced Mint Chocolate($52)，餐厅主打咖啡☕️，同时亦有制作酒精类嘅特调，但就唔太啱我口味，反而冻薄荷朱古力比较吸引到我🍫。佢出奇地好好饮㖞，味道好浓郁、唔腻，薄荷味恰到好处，唯一唔满意就系太细杯啰，好味更觉唔够喉呢😛。
总括嚟讲，依餐简单轻食午餐唔错，食物味道几有水准，价钱就中矩中举啦，喺海港城都不能要求太多🙈。除咗食嘢之外，呢度仲系一个好适合打卡嘅地方啊！
张贴
