Ohayo

营业中

休息中

今日喺海港城行完街食完饭，心思思想食个甜品，见到海港城嘅现金券可以用呢一间，就行咗过嚟食。个位置都算偏僻喺海运中心嘅最角落位置，揾咗一阵先嚟到。坐低见到个餐牌已经比佢啲甜品吸引咗，我同朋友最后嗌咗一个哈密瓜热香饼，同埋朱古力麻糬窝夫。原来哈密瓜热香饼仲系限量12份，好好彩去到嘅时候未卖晒！！哈密瓜热香饼系一个好新奇嘅组合，佢哈密瓜入面装住啲云呢拿雪糕，哈密瓜啫喱，仲有热香饼，上面仲有蜜糖星星。 啱啱整好热辣辣嘅热香饼，配上冰冻嘅雪糕，同埋多汁香甜哈蜜瓜，成个组合好新鲜，一冻一热咁，好正，热香饼松软，好香面粉牛奶味，个雪糕都好幼滑，冇冰粒冇沙，唔会太甜。我哋连哈密瓜啲肉都刮埋落嚟食晒。 跟住到个朱古力麻糬窝夫，啱啱看好嘅窝夫，热辣辣咁啲麻糬都系半溶化状态可以拉丝，烟烟韧韧，连埋好脆外皮嘅窝夫，成个口感都系好好食。仲有一球朱古力嘅雪糕，好重朱古力味，又系冇冰粒冇沙。 其实我好惊喺出面食到啲雪糕系有啲冰沙喺入面，即系溶完雪又雪返落雪柜，一定系好唔新鲜，或者处理得好差。 呢间嘅甜品真系好靓，用嚟打卡一流，味道亦都唔差，咁啱有海港城券，过嚟食甜品真系好正！