海膽仔

营业中

休息中

黎到新蒲岗咁远，当然系食特色日本菜。海胆仔打正食海胆嘅名号，除咗海胆类，仲有其他鱼生丼、拉面、便当。价钱合理，由$5X- $12X，样样睇落都好正，令选择困难症又发作。谂咗一阵，既然黎到就食个视觉效果爆棚嘅混合海胆沾面。沾汤底好厚身，以南瓜为base，配合埋海胆，令个沾汤食落有淡淡嘅海胆味。面质粗度中等，沾落海胆汤时亦会沾到海胆碎！海胆碎增加清新嘅甜味。沾面足足有4只虾，亦唔少得流心蛋。朋友叫咗海胆三色丼，卖相好澎湃，有海胆、吞拿鱼腩蓉同埋三文鱼子。海胆食落去有厚度有口感。钟意一片片食海胆嘅人应该比较钟意食丼饭。吞拿鱼都好新鲜。用料绝对唔孤寒，有咁多刺身拌饭，朋友都清晒成碗。最后加配埋两支童年回忆嘅波子汽水就perfect，一支西瓜、一支菠萝味。店员好细心咁样帮我地准备纸巾，同埋提示开嘅时候会流汽水。