藝高滙俱樂部會所餐廳

营业中

休息中

同朋友去沙滩玩，咁啱见到有会所俱乐部喺海边隔离可以烧烤食，于是就去试吓啦。佢就系汀九泳滩隔离，好方便。首先佢系有两种烧烤可以拣，可以拣传统烧烤同无烟嘅网格烧烤。咁我哋就拣咗无烟嘅网格烧烤，𠮶度嘅职员会帮手透炉，好方便。可以唔使自己起火，一嚟就直接可以食得，唔使整得好辛苦。我哋叫咗个烧烤套餐，一人会包咗唔同种类嘅食物，有牛扒，鸡翼，翠玉瓜，鲭鱼，虾，香菇，粟米，肠仔等等。好贴心嘅系除咗蜜糖之外，𠮶度会有孜然粉同辣椒粉可以拣，啱晒啲重口味嘅人士可以试。啲嘢食例如鸡翼，牛扒等等同孜然粉都好夹，加完之后觉得惹味咗好多。不得不提嘅就系我哋系夜晚去食，而夜晚𠮶度个灯饰影得好靓，好适合打卡。隔离又有海风吹住，一边听啲海浪声，一边烧烤好舒服。