蟹仙粉潮食館

营业中

休息中

平时都好钟意食海鲜，但讲到想食海鲜本身鲜味，蒸气海鲜锅绝对不二之选。餐厅位于铜锣湾，地点方便环境舒适，最好既地方系职员会帮手蒸熟海鲜，时间揾制得啱啱好。加拿大野生虎虾鲜甜爽弹，肉汁丰富。韩国斧山珍珠蚝及台湾九孔鲍鱼蚝味浓郁，蒸完都冇缩水。鲍鱼清洗得好干净，食落完全唔韧，好容易咬开。黄金翡翠螺及蟹黄大元贝翡翠螺越咬越多汁，干净冇沙。元贝大大只，加上少少蟹黄鲜味更上一层楼，非常推荐。大西洋野生青口职员细心提醒唔需要落其他酱汁，海水味较重，厚肉味浓。太平洋馒头蟹主要品尝蟹膏，比平时蟹膏更香更鲜甜。奄仔蟹及澳洲青年龙虾奄仔蟹厚肉爆膏，肉质非常细嫩，控制火候刚好。龙虾啖啖肉，得半只觉得有啲唔够喉，非常回味。