秋田浜燒食堂

营业中

休息中

期待已久， 今日初试日本浜烧料理，间舖位于天文台道附近。最近秋意味浓，见住师傅喺你面前烧，分外有风味。叫咗海鲜二人前。等等。。。食之前原来有游戏玩，一手虾游戏，到几多就可以食几多，我到六只，算系咁啦。前付有:河豚鱼干感觉有啲似厚切猪肉干，但多咗份海鲜鲜味，几得意。 特上刺身拼盘五点卖相一流， 摆位衬色美轮美奂， 共有五款刺身，款款肥美，新鲜仲好厚身。浜烧料理方面:青森鲍鱼爽口弹牙，好大只好鲜味， 上枱时香喷喷。函馆北寄贝好肥美，而且加上特制酱汁一齐烧，份外好味。北海道帆立贝非常juicy，而且好新鲜好爽口弹牙。刚才的大虾奖品师傅帮我们发板，三只烧三只刺身， 虽然系奖品但系一啲都唔吝啬，好大只。人气蟹味噌甲罗烧蟹肉同味噌一起煮非常惹味，配上法饱同青瓜点嚟食， 中和番啲浓味。山之惠黑松露茸野菌箔烧食咗咁多海鲜，呢道野菌 可作缓冲，黑松露好香好嘢味。自选食事我们都拣咗京都鳗鱼茶渍饭，鳗鱼虽然细细块，但系非常厚实，个伴汤跟打散了的饭一起吃，好滋味。甜品 拣咗朱古力雪糕， 有朱古力碎碎𠮶种，系我的至爱，为呢餐画上完美句号。