影片
更多
2021-07-03
655 浏览
唔知大家父亲节去咗边度食饭呢~我家老窦就钟意食海鲜🦞煎炸呢啲香口嘢就啱晒佢添😛于是山长水远去鸭脷洲食海鲜🌊街市楼上嘅熟食市场有得帮手加工海鲜，喺下面买完上去交低就可以等食啦😝街市都有唔少海鲜种类任君选择，每一档嘅价钱都差唔多，不过母上就话呢个街市啲嘢比出面嘅会贵啲🤭·<椒盐濑尿虾>濑尿虾成半只手臂咁大，街市卖ʜᴋᴅ 100一只🦞濑尿虾炸得好通透非常香脆，中间嘅肉又保持到好滑唔干🤩濑尿虾本身质素唔错，只只饱满肉质鲜甜😍·<蒜蓉粉丝蒸蛏子>蛏子又系加大码，无记错街市要ʜᴋᴅ 280/斤💸平时喺屋企掌握唔到时间火喉，好易就蒸到老晒变得好韧😟呢度就蒸得啱啱好，只只都鲜甜又唔会韧🥰·<陈皮蒸鲍鱼>鲍鱼肉质扎实爽口，觉得用蒸嘅方法食到原汁原味最好😛不过师傅就无帮手清咗内脏先，食嘅时候记得自己搣返走❗️·<白灼虾>呢种好似系叫九虾，比平时食嘅基围虾细只，但都好扎实鲜甜，白灼嘅方法就最啱🦐·<姜葱炒蟹>炒得好有镬气，食得出有走过油嘅香味😗蟹肉都保持到鲜嫩🦀·<椒盐九肚鱼>又系香口嘢🤓不过呢个椒盐就感觉无濑尿虾
唔知大家父亲节去咗边度食饭呢~我家老窦就钟意食海鲜🦞煎炸呢啲香口嘢就啱晒佢添😛
于是山长水远去鸭脷洲食海鲜🌊街市楼上嘅熟食市场有得帮手加工海鲜，喺下面买完上去交低就可以等食啦😝
街市都有唔少海鲜种类任君选择，每一档嘅价钱都差唔多，不过母上就话呢个街市啲嘢比出面嘅会贵啲🤭
·
<椒盐濑尿虾>濑尿虾成半只手臂咁大，街市卖ʜᴋᴅ 100一只🦞濑尿虾炸得好通透非常香脆，中间嘅肉又保持到好滑唔干🤩濑尿虾本身质素唔错，只只饱满肉质鲜甜😍
·
<蒜蓉粉丝蒸蛏子>蛏子又系加大码，无记错街市要ʜᴋᴅ 280/斤💸平时喺屋企掌握唔到时间火喉，好易就蒸到老晒变得好韧😟呢度就蒸得啱啱好，只只都鲜甜又唔会韧🥰
·
<陈皮蒸鲍鱼>鲍鱼肉质扎实爽口，觉得用蒸嘅方法食到原汁原味最好😛不过师傅就无帮手清咗内脏先，食嘅时候记得自己搣返走❗️
·
<白灼虾>呢种好似系叫九虾，比平时食嘅基围虾细只，但都好扎实鲜甜，白灼嘅方法就最啱🦐
·
<姜葱炒蟹>炒得好有镬气，食得出有走过油嘅香味😗蟹肉都保持到鲜嫩🦀
·
<椒盐九肚鱼>又系香口嘢🤓不过呢个椒盐就感觉无濑尿虾做得咁出色，可能因为九肚鱼本身水份多，所以炸浆都冇咁脆身🤔
·
<招牌炸三宝> ʜᴋᴅ 60呢个系餐厅本身有嘅食物，几乎每一枱都有叫😮炸鱼皮、炸鱼片头、炸云吞，全部都好脆口，又唔会太过咸👍🏻云吞用猪肉同虾做馅，不过就食得出有碱水味😶
·
另外仲叫咗个蒜蓉炒白菜仔🥬食咁多香口嘢梗系要有碟菜清清地配搭下😝其实仲有个<一口西多士>都系呢间餐厅嘅名物，见到枱枱一碟都好想试，不过食完已经太饱食唔落🤰🏻唯有留个遗憾下次再嚟唔系好知详细加工费系几多，计埋两个小菜呢餐ʜᴋᴅ 600埋单，海鲜就唔算平，不过应该比出去食海鲜抵嘅😎
张贴
