棠記海鮮小廚

营业中

休息中

放假去屯门黄金海岸玩完，就过咗嚟三圣邨食海鲜，买咗2款海鲜嚟呢间棠记海鲜加工，另外再点咗2个小炒，都几抵食。🦐椒盐赖尿虾赖尿虾新鲜，都算几多肉，用椒盐方法炮制，非常香口，我哋两个食够舔舔脷😋。✨油盐水煮花甲花甲味道鲜甜，虽然话只系油盐水煮，但系亦都见到落咗炸香咗嘅蒜头🧄、杞子、芫荽🌿等，所以汤底超鲜甜；仲落咗啲粉丝一齐煮，粉丝吸收咗浓郁嘅汤底，亦都好味。🍍菠萝咕噜肉$138咕噜肉酸酸甜甜，外边仲依然脆脆哋，好香口；仲配有多汁好甜嘅菠萝片。🥬金银蛋肉松扒时疏$88时疏系苋菜，新鲜几爽口，仲超级大碟，加金银蛋、肉松、高汤一齐煮提鲜清甜。下次带埋屋企人一齐嚟先～