韓川

营业中

休息中

韩国烧肉食得多，今晚同朋友食另类韩国餐，餐厅除提供地道韩国食物，另主打串烧和烧物。Terra啤酒六支$100+1🍻食韩国餐点少得啤酒，依家韩国HITE TERRA啤酒做紧推广，100蚊有6支，超抵，即刻要试，味道较为清淡易入口，女士饮都好啱，唔错。巨蚝买一送一 $68+1啲蚝烧完都仲系大大只，啖啖肉，真系称得上巨蚝，加咗大量蒜蓉够晒蒜味，好好味。芝士蒜蓉烧龙虾 $.398+1龙虾大大只，劲厚肉，芝士味香浓，配埋蒜蓉一齐食白酒忌廉煮青口 $108+1青口煮得唔错，特别忌廉汁好好味，如有得捞饭或捞面真系一流。温泉蛋带子芝士汤乌冬 $98+1汤底好香但又唔会好咸，带子大大只又厚肉，温泉蛋蛋黄好香，蛋酱捞埋乌冬食更加滑，推荐。职员友善有礼，座位宽阔，坐得舒服，依家好多餐厅用餐都有限时，但哩度就无哩个要求，约朋友吹水一流，唔使下下就住时间。