緣味小聚 (93WYS)

营业中

休息中

上次试咗蒸海鲜放题，今次海鲜定量、火锅放题餐，两者差不多价钱，都系约$400一位，一于比较下边款抵食啲。两者最大嘅分别系上次食嘅海鲜放题餐，海鲜系可以无限任点嘅，但款式就比较少。今次嘅海鲜定量餐，只嚟一转，但就有龙虾、鲍鱼、带子呢三款任食冇嘅海鲜，而任食餐就会多咗蛏子仔。龙虾并非平价嘅波士顿龙虾，而系真龙虾，超级新鲜弹牙劲多肉，头仲有啲膏，不过呢度就冇提供钳畀你拆壳，所以头位一啲鬼鼠肉就食唔到。另外上次任食餐可以点任点蒜蓉蒸法国生蚝，定量餐就冇嘅。而点心方面，上次任食餐可以点虾饺烧卖小笼包等，反而今次定量餐选择就少好多，只有啲包类同甜糕，所以今次完全冇点到点心。任食火锅嘅料就完全一样，牛肉依然好好味，澳洲M5牛今次嘅质素好过上次。自助饮品亦都一样。我自己系比较钟意定量餐，因为如果任食餐要加龙虾要加98蚊一只，对于食量唔大但好似我咁想食多啲款嘅人，定量餐应该系更好嘅选择。但如果你好大食，特别钟意食虾蚬蚝，仲有虾饺烧卖，我就觉得就海鲜任食餐比较适合你。另外买咗50蚊当150蚊洗嘅openrice餐饮券, 用完之后计埋酱料费同加一，人均$338。