影片
更多
2021-09-25
945 浏览
book左6人枱，结果去到等左十几分钟，俾左张4人枱，我地重要拣左中日韩，2炉6人坐4人枱，非常逼狭。一黎就送左中日韩各一份头盘，分别系海鲜、刺身、烤肉，摆满左成张枱，烤炉都挡住左，要缩埋个人先烧到肉不过食物质素ok，刺身正常水平，只系款式较少。烤肉嘅肉质其实都唔差，但系冇腌过，可以食到肉香，不过腌左会好食好多，枱边只有盐同孜然粉，要自己调味。鸡煲拣左胡椒猪肚鸡，汤底几好食，鸡件都够食，不过当日几乎坐满人，所以边炉啲热气唔太散到，坐炉边位会热。最满意系海鲜，送嘅头盘有鲍鱼，任食嘅蚝仔、扇贝等都几新鲜，虽然size细，但任食黎讲可以，味道唔错，重有象拔蚌、鱿鱼、章鱼，都好靓仔、好弹牙。炸物因为冇提last order，过左时间先叫所以冇食到。饮品款式ok，雪糕得一个牌子，大路口味。整体黎讲食物质素唔错，埋单270一位，款式亦好多，叫左中日韩但我冇食到一啖鸡煲，因为要负责烧肉，对手忙到冇停过😂呢边烧好肉，个边啲边炉又熟左，太多野食，慢食嘅朋友好大压力😂细食嘅朋友3拣2都够。当晚可惜座位太窄，冇得舒服咁食，其他野都ok，楼面几nice，系有啲手忙脚乱呢间餐厅啱晒 想食好多款式/大食/拣唔到食
一黎就送左中日韩各一份头盘，分别系海鲜、刺身、烤肉，摆满左成张枱，烤炉都挡住左，要缩埋个人先烧到肉
不过食物质素ok，刺身正常水平，只系款式较少。烤肉嘅肉质其实都唔差，但系冇腌过，可以食到肉香，不过腌左会好食好多，枱边只有盐同孜然粉，要自己调味。
鸡煲拣左胡椒猪肚鸡，汤底几好食，鸡件都够食，不过当日几乎坐满人，所以边炉啲热气唔太散到，坐炉边位会热。
最满意系海鲜，送嘅头盘有鲍鱼，任食嘅蚝仔、扇贝等都几新鲜，虽然size细，但任食黎讲可以，味道唔错，重有象拔蚌、鱿鱼、章鱼，都好靓仔、好弹牙。
炸物因为冇提last order，过左时间先叫所以冇食到。饮品款式ok，雪糕得一个牌子，大路口味。
整体黎讲食物质素唔错，埋单270一位，款式亦好多，叫左中日韩但我冇食到一啖鸡煲，因为要负责烧肉，对手忙到冇停过😂呢边烧好肉，个边啲边炉又熟左，太多野食，慢食嘅朋友好大压力😂细食嘅朋友3拣2都够。当晚可惜座位太窄，冇得舒服咁食，其他野都ok，楼面几nice，系有啲手忙脚乱
呢间餐厅啱晒 想食好多款式/大食/拣唔到食咩嘅人，因为乜都有，但细食/钟意慢慢食嘅就未必黎呢度
张贴