稻香超級漁港 (南豐廣場) (已結業)

琴晚亲戚聚会，啱啱够一台人，所以拣咗稻香超级渔港。左睇右睇，呢度嘅海鲜套餐都几抵食。12人三千几蚊，已经有龙虾、蒸鱼、鱼翅捞饭、小菜、鸡同甜品等。10几度菜，唔使自己谂食咩，仲一定够饱有净。先黎烧味拼盘，呢度唔系主打食烧味，所以都预咗味道一般般。蒸鱼唔错，本人反对食鱼翅，佢呢个价钱居然可以食埋鱼翅捞饭。个鸡就麻麻哋，鸡皮唔脆，鸡肉肉质亦一般。加7百几蚊叫咗个阿拉斯加蟹，大就够大，可惜完全系冰鲜嘅品质，冇乜蟹肉味。呢七百几蚊白俾，下次可以省翻。