味火鍋 (華僑商業中心)

订左12月18号星期一食，3个人坐卡位舒服；先食头盘，烧蚝、bb辣鸡煲，再嚟海鲜、一盘有不同部位既牛肉；先讲鸡煲，bb辣都入味，如果食得辣既，不妨试下劲啲；牛肉好新鲜，最好食系牛小排；跟住讲海鲜，因为挂著倾计，完全忘记左烚紧，点知生蚝完全无缩小又吾硬，饱鱼仍然爽口，正👍；汤底叫左冬荫功、蕃茄猪骨，当晚加过2次水（高汤），去到尾依然饮到原汤味道，完全吾系味精，绝对系另一惊喜；其他火锅配料都吾差，疏菜类好爽甜，吾会霉霉烂烂咁，手打丸一定要食，水饺劲大只，要 share嚟食，出前一丁竟然系日本版，去到尾一定要食啦，最后仲有Movenpick牌雪糕，叫左个好少有既咖啡味，好香咖啡味，必食👍；当晚坐满人，但一啲都吾觉闷热/焗，啲衫同头发都无一阵味，抽风同冷气做得好；重点系无限时，如果多朋友一齐去食，仲可以订房，当然要提早啲 book ，因为真系好full 架。