鍋心粥底火鍋 (和富道) (已結業)

天寒地冻就想去打边炉， 初初新开时嚟食过一次已经觉得抵食又满足，每人只系二百蚊，唔洗加一，野饮就十几蚊一支，但就多甩漏。而今次带钟意食海鲜嘅爸妈黎食，食到佢地好满意，而上食物速度同流畅黎讲，明显比初时好左好多，起码无再有漏单情况出现即日打去订六点个转都仲有枱订到。菜单好简单，但有好多款拣，而且食到尾真系好饱。每枱指定有蟹同沙白两款海鲜，之后，七拣五海鲜，再拣八款打边炉配料。所以，我觉得如果少人黎食好好，样样都有少少，又可以食好多款，唔洗平时买一袋食唔哂塞爆个雪柜。今次蟹无乜肉食，但水蟹鲜甜煲粥真系一流， 鲍鱼仔好新鲜，上枱时仲系会识郁，其它都正正常常起码无食到有沙。食晒海鲜就可以落南瓜，芋头同粟米落去煲，等到打完边炉之后，就可以叫人整个粥。