影片
更多
2021-11-06
1971 浏览
认识有啲嗜酒嘅朋友，佢哋好识饮识食，成日听佢哋讲食咩菜配咩酒，讲到点样产生化学作用，好神奇。早两个月前已听佢哋提过吓由日本食品海外推进中心（JFOODO）跟本地餐厅搞咗个大型日本清酒联乘活动「SEAFOOD LOVES SAKE.」，而今年已喺第三个年头。除日本菜，清酒配广东菜一样得，感觉非常新颖，是夜就嚟到会展嘅「金紫荆生记粤菜厅」一尝日本清酒x广东海鲜料理嘅罕见配搭。讲开以做古法、手工中菜闻名嘅「生记」，原来湾仔总店已有45年历史，堪称老字号，就算疫情呢两年，都依然屹立不到，可见其实力。今次扩展到去会展商场之内，格调升级咗，场内楼底特别高，又有落地大玻璃，环境非常清雅，嚟嘅客人亦比较斯文，所以，整体感觉清幽，有别一般中菜酒家。讲到明是次喺清酒跟中菜嘅联乘，所以，今晚将会品尝嘅清酒都摆晒出嚟，4款清酒都各有特色：薰、爽、醇、熟，最贴心喺有张简介去描述清酒及呢4种个性，以及一啲清酒嘅小知识，等我呢种门外汉学吓嘢，长吓知识。琥珀合桃一边睇资料，一边试试餐厅自家制嘅琥珀合桃，果然做得有水准，甜蜜香脆。「生记」出名嘅手工菜如虾子柚皮、鹧鸪羹、菊花豆腐就未有机会一试，但是夜嘅菜单亦喺富心思嘅倾
讲开以做古法、手工中菜闻名嘅「生记」，原来湾仔总店已有45年历史，堪称老字号，就算疫情呢两年，都依然屹立不到，可见其实力。今次扩展到去会展商场之内，格调升级咗，场内楼底特别高，又有落地大玻璃，环境非常清雅，嚟嘅客人亦比较斯文，所以，整体感觉清幽，有别一般中菜酒家。
讲到明是次喺清酒跟中菜嘅联乘，所以，今晚将会品尝嘅清酒都摆晒出嚟，4款清酒都各有特色：薰、爽、醇、熟，最贴心喺有张简介去描述清酒及呢4种个性，以及一啲清酒嘅小知识，等我呢种门外汉学吓嘢，长吓知识。
琥珀合桃一边睇资料，一边试试餐厅自家制嘅琥珀合桃，果然做得有水准，甜蜜香脆。
「生记」出名嘅手工菜如虾子柚皮、鹧鸪羹、菊花豆腐就未有机会一试，但是夜嘅菜单亦喺富心思嘅倾力之作，当中有4道菜式刻意配上4款不同嘅清酒嚟品尝，当然，余下嘅菜式亦可以按个人喜好嚟配搭，喺一次非常有趣嘅体验。温馨提示一下，清酒跟菜式嘅配搭有可能会稍作调整，有兴趣嘅朋友最好就事先打电话到餐厅问一问清楚。
枱上都放好酒杯，一切都准备就绪。而讲到每一款酒，名字都一连串咁，原来喺包含酒厂名称、酒嘅名称、酒嘅种类，小弟就低层次，单喺睇个酒樽靓唔靓，哈哈！顺带一提，呢度嘅服务好熨贴，招呼到位。
醉品前菜 + 七贤 绢之味 纯米大吟酿先由冷盘登场，包括醉鲍鱼、海中虾、鸭舌，均用上花雕腌过夜，所以，甚具酒香，却一啲都唔呛喉。再者，鸭舌口感清爽，海虾弹牙鲜甜，鲍鱼柔韧有咬口。配上呢一款带果香，而味道圆润清甜嘅薰酒，确喺有种吊起冷盘海鲜嘅鲜甜味。
醉品前菜 + 七贤 绢之味 纯米大吟酿
20 浏览
2 赞好
0 留言
特色烧味双拼 + 天吹 山酛 纯米大吟酿 雄町 杜鹃花酵母双拼包括黑毛猪叉烧拼烧鳝，虽然喺粤菜咋，摆盘都好靓，衬住杯清酒，卖相一流。先试嚿叉烧，唔止烧得甘香，啲㶶位就特别正，肉质极之松化，烧鳝又如何？同样做得出色，甘脆富油香。因为两样都喺味浓之物，就配上味醇嘅醇酒，话虽如此，但入口喺出奇地爽口，甚有解腻之效。
特色烧味双拼 + 天吹 山酛 纯米大吟酿 雄町 杜鹃花酵母
6 浏览
2 赞好
0 留言
金紫荆生记特色孖宝 + 千代寿 虎睡 纯米大吟酿 叫得特色，就当然又喺招牌嘢啦，香煎手刴莲藕饼拼锅贴大明虾，据我所知，都喺顺德菜。藕饼做得好的骰，入口外层煎得香脆，食落充满莲藕味；而大明虾炸得甘香不腻，虾胶打得弹牙。配香口嘢，用上香气清新嘅爽酒就真喺几夹，两者有种融和互补嘅平衡感。
金紫荆生记特色孖宝 + 千代寿 虎睡 纯米大吟酿
9 浏览
1 赞好
0 留言
香煎海盐马友件 + 达磨正宗三年嚟到主菜部份，先有煎马友登场，据店长介绍，马友经过海盐腌咗一晚，再风干，所以，煎出嚟外皮脆到不得了，咸香味已渗进入鱼肉内，但却又不失鱼鲜味，佐以葱油，另食味更富层次。而配以熟成三年嘅熟酒，色泽就明显比较深，虽然风味较强，味道较厚重，但就几衬托出马友嘅盐香。
香煎海盐马友件 + 达磨正宗三年
30 浏览
3 赞好
0 留言
玻璃贵妃脆皮鸡呢一道喺店家嘅招牌菜之一，功夫亦都好多，首先选用唔太重嘅清远鸡，再用以瑶柱、虾米、金华火腿所熬嘅上汤慢火浸熟，再风干，有落单时就酥炸，可以讲喺将贵妃鸡同炸子鸡嘅特点结合而成。食落外皮真喺好香脆，鸡肉非常嫩滑，皮下脂肪又少㖞，衬只爽酒个人感觉最唔错。
玻璃贵妃脆皮鸡
22 浏览
1 赞好
0 留言
用上和牛，已经喺有一定嘅保证，和牛粒煎得香口，咬落既有油香，又富肉汁，肉质好嫩滑，而味道带点辣劲，却唔会呛喉，非常之惹味好食。由于属味浓，小弟班门弄斧就试以熟酒相配，感觉又真喺几唔同，友人话辛辣味跟酒香有种搏力嘅互动，果然喺识饮之人，层次比小弟高。
香辣和牛粒
27 浏览
1 赞好
0 留言
经过3记浓味或香口嘅主菜，来一道蒸菜心，既清清味蕾，又平衡一下食咗咁多肉。虽然简单，但啲梅菜好清香，又无死咸嘅问题，感觉好舒服。
香葱砂锅饱鱼焗饭接近尾声，就自然喺上主食嘅时候，话就话焗饭，当然有别西式，都喺先炒后焗，而饭粒炒得分明、爽身，饭内仲混有唔少鲍鱼粒粒，的确好味。
香葱砂锅饱鱼焗饭
7 浏览
1 赞好
0 留言
中式、西式都好，以甜品作结，总喺一个完全收场，甜品更喺三星报喜。马拉糕做成太极之形，虽然花巧，但绝对喺心机嘢，分别喺原味、芝麻味，食落糕身非常松软而不黏牙；芝麻卷更喺口碑之作，依家都好少酒楼会做，功夫多嘛，洒上少少金箔，自然更贵气，最难得喺卷身软滑，芝麻香自然，又够浓郁；至于喳咋亦唔错，内里非常多料，有椰香味。
手工芝麻卷
26 浏览
2 赞好
1 留言
小弟非嗜酒之人，原以为清酒就梗喺配吓日本嘢最好啦，估唔到配中菜一样掂㖞，就算我呢等门外汉，都觉得咗配衬都几特别。事后上番官网睇，原来呢个活动有成60间中菜馆、40间和式料理店参与，设计出逾300款清酒x海鲜菜式，可谓势势浩大！
张贴
