影片
更多
2014-11-23
3064 浏览
平时主要去流浮山食海鲜，胜在唔使谂，话俾老细听你预既budget就可以帮你发板，啱晒我呢类懒人。 作为海鲜控，是日海鲜瘾起，怂恿左友人揸车拉大队去三圣食餐劲 一到埗，我地先去关财记买海鲜。5个人，买左3只濑尿虾，3只龙虾，一只花蟹，5只扇贝同蝴蝶蚌。再拎左啲料整海鲜汤。埋单1270去到南记即刻落单，可能是日人太多，我地等左大半个钟先有野食。先黎既系蛋白蒸花蟹，蛋白有阵花雕味加阵阵蟹膏味，不过可能蒸过左时间，唔够滑，但庆幸蟹够新鲜，还不俗。跟住系椒盐濑尿虾，一贯椒盐味，好香，濑尿虾好大只，每人半只已经好够。等左阵送黎金银蛋菠菜，正好清一清油腻。抖一阵，再黎-蒜蓉蒸扇贝。扇贝好大只，净系个壳都成只碟咁大。带子位已起，蒸得刚刚好，既鲜甜又嫩滑，好吃。重头戏-芝士脆皮龙虾出场。龙虾开边加芝士去焗，上枱时已经闻到好香芝士味。全只铺著一层厚厚芝士，面好脆，连埋龙虾肉放入口，出奇地搭，先来芝士既香，再来龙虾既
作为海鲜控，是日海鲜瘾起，怂恿左友人揸车拉大队去三圣食餐劲
一到埗，我地先去关财记买海鲜。5个人，买左3只濑尿虾，3只龙虾，一只花蟹，5只扇贝同蝴蝶蚌。再拎左啲料整海鲜汤。埋单1270
去到南记即刻落单，可能是日人太多，我地等左大半个钟先有野食。先黎既系蛋白蒸花蟹，蛋白有阵花雕味加阵阵蟹膏味，不过可能蒸过左时间，唔够滑，但庆幸蟹够新鲜，还不俗。
跟住系椒盐濑尿虾，一贯椒盐味，好香，濑尿虾好大只，每人半只已经好够。
等左阵送黎金银蛋菠菜，正好清一清油腻。
抖一阵，再黎-蒜蓉蒸扇贝。扇贝好大只，净系个壳都成只碟咁大。带子位已起，蒸得刚刚好，既鲜甜又嫩滑，好吃。
重头戏-芝士脆皮龙虾出场。龙虾开边加芝士去焗，上枱时已经闻到好香芝士味。全只铺著一层厚厚芝士，面好脆，连埋龙虾肉放入口，出奇地搭，先来芝士既香，再来龙虾既鲜，无懈可击。
跟住黎既油盐水蝴蝶蚌，蝴蝶蚌系第一次食，海鲜舖话要年头年尾先有架㖞。佢既质感比较爽，而味就同花甲差不多，可惜将佢放喺龙虾之后真系被比下去。
最后先到既海鲜汤，料同汤分上，可惜咸左少少
连埋酒水，白饭，加工费，800蚊埋单。今餐总共2070，唔算好平，但质量绝对取胜。
张贴
