潮福蒸氣石鍋 (已結業)

有一排冇打边炉啦，最近天气时冻时热，又引返我去打边炉先，呢间潮福好多分店，佢嘅海鲜好新鲜，价钱又平，打边炉都吾错。佢系一个价钱，有自选同任食menu，岩晒我地大胃之人，入去到环境舒适，先嗌左个花胶鸡汤锅，再另外点了不少海鲜，有桶蚝，海虾， 龙趸，贵妃蚌，圣子 ，黄刀贝，好丰富丫。仲有极上安格斯牛肉，佢嘅牛真系吾错，入口牛味浓，而且脂肪比例平均，我觉得可以不用煮太熟更加好味。任食menu我地都嗌左吾少，手打丸， 鲮鱼滑，菜饺，肠仔，仲嗌左好多菜丫，粟米，金菇， 鲜淮山等等，食物好多元化，而且价钱合理，物有所值。食物环境都好满意，而服务我都觉得好好，好细心，又会走嚟帮我地加下汤，同好有礼貌，我觉得可以再嚟，带父母或者一大班朋友嚟食都岩丫。