能記飯店

营业中

休息中

同长期居住外地嘅朋友晚饭，特登拣啲只有香港先可以食到嘅美食。烧鹅虽然外地都可以食到，但一定不及深井的原汁原味。今晚嘅四人套餐有炖螺头汤，烧鹅半只，豉油王鹅肠，笼仔翡翠豆腐，同埋椒丝腐乳炒通菜。炖螺头汤非常足料。虽然套餐系四人份量但四个人每人分到两碗有多。烧鹅色泽不错，但系皮可以更脆。鹅本身唔系太肥，可能系因为季节关系，但其实系一件好事，唔使每次都撕走皮同肉之间的肥膏。豉油王鹅肠浸得入味，可惜同而家绝大部份餐厅一样，鹅肠内嘅肥膏早已去掉，失去了肥膏的甘香味。不过同行的朋友依然非常欣赏。笼仔翡翠豆腐份量好多，清清淡淡中和了烧鹅的肥腻。通菜炒得有镬气。