深宵食堂 (已結業)

晚上系九龙公园游完水之后，又要过两小时先可以食野都差唔多算系宵夜，刚好尖沙咀有间深宵食堂，咁贴题就去试一试佢。店内挂有深宵推介讲比客人听当日较好既食品。芝麻鸡翼 ($48) : 望到鸡翼炸到金黄色排得好整齐咁上台，再加上好香芝麻香味，顺手影张相就立刻开动。外皮炸得刚刚好脆身得黎唔算油腻，肉质十分嫩滑。烟肉荔枝卷 ($38) : 店员推荐食品，我地见组合几特别就叫黎试下。荔枝肉好鲜甜，烟肉唔油不过有少少干身，两者组合荔枝鲜甜多汁补偿返烟肉干身，味道仲好夹 日式炒野菜 ($48) : 食左D炸物串烧梗系要食返D菜平行下。什菜炒得唔算干身，几鲜甜不过食到最底有少少咸。深宵薄饼 ($88) : 日式薄饼我一直都好钟意食，依个深宵薄饼有少少特别因为佢系薄饼加左炒面，可以一次过食到薄饼既淋同炒面既脆，一次过满足你两种口感。薄饼味道有D似章鱼小丸子，一个都几大个可以分俾3~4个人食。芝士蚧肉玉子 ($68) : 上台时如果唔系有茄汁，仲以为系榴梿班戟 。切开立刻有好多芝士流出黎，玉子都系半熟形态，真系见到都口水流。食落芝士味相当浓&蛋十分滑，中间夹杂蟹肉味相~当~好~味。。。佢份量都唔细不过我相