影片
更多
2016-03-27
767 浏览
天气又开始凉凉地，唔想成日打边炉咁热气，食返碗热辣辣嘅粥都系一个唔错嘅选择。虽然平时唔太钟意食粥，因为觉得粥都系淡口又无乜嘢食，唔系病都会想食，但食过辉记又开始有D改观...每晚八点过后，直至清晨六点，就系辉记营业嘅时间，岩晒一众「夜猫」觅食。辉记真系可以用「其貌不扬」嚟形容！佢嘅厨房就系后巷，几张稀疏嘅褶枱放系路边同后巷。门面唔吸引，但够地道，几个伙计同老板分工合作，每晚都吸引不少食客光顾。菜牌设计老派，一句「创1976」已经暴露粥店年纪，数数手指原来已经开咗四十年。之前已经食过辉记嘅鸡粥，鸡肉肉质结实，唔似出面食𠮶D咁淡口。今次决定试下佢嘅烧鸭粥！出面食嘅粥多数都系偏白稠绵微咸，但辉记嘅粥偏黄，烧鸭嘅咸味渗入粥里面，而且听闻辉记煲粥唔系用清水，而系用下栏熬成嘅汤，食落去仲可以食到一粒粒嘅菜脯，都几好味！可惜嘅系，今次嘅粥比上次稀咗少少，希望下次可以Keep返个水准啦！炒面够锅气，不过不失！油炸鬼虽然唔系即炸，所以唔算好脆，但肠粉皮够滑，呢个炸两都算ok，系份量少咗D！深宵突然肚饿，谂唔到食咩，又唔想食麦记咁颓，都可以考虑支持小店，食返碗靓粥㗎！
虽然平时唔太钟意食粥，因为觉得粥都系淡口又无乜嘢食，唔系病都会想食，但食过辉记又开始有D改观...
每晚八点过后，直至清晨六点，就系辉记营业嘅时间，岩晒一众「夜猫」觅食。辉记真系可以用「其貌不扬」嚟形容！佢嘅厨房就系后巷，几张稀疏嘅褶枱放系路边同后巷。门面唔吸引，但够地道，几个伙计同老板分工合作，每晚都吸引不少食客光顾。
菜牌设计老派，一句「创1976」已经暴露粥店年纪，数数手指原来已经开咗四十年。
烧鸭粥
$30
192 浏览
0 赞好
0 留言
炒面够锅气，不过不失！
油炸鬼虽然唔系即炸，所以唔算好脆，但肠粉皮够滑，呢个炸两都算ok，系份量少咗D！深宵突然肚饿，谂唔到食咩，又唔想食麦记咁颓，都可以考虑支持小店，食返碗靓粥㗎！
张贴
