L Place Cafe (已結業)

黎度深水埗谂住行黄金然后hea hea 地食餐饭算，揾嘢食途中见到依间cafe 门口店员话佢地有和牛食，我心谂「系真唔系啊」，见佢一个和牛set dinner 约百几二百蚊内有交易，我就一于试下佢睇下咩料。我被安排左坐高枱，见最贵既和牛餐先200蚊未到，加埋一都只系约220，咁就试下佢！首先上餐汤同餐包，餐包岩岩洪热，似系牛角包，牛油味浓。餐厅上菜速度都好快，睇住我饮完汤食完包就上主菜同餐饮。餐厅选用澳洲M8和牛，一上枱已经系阵阵牛香，但我先试配菜，包括焗芝士薯饼同埋水果杂菜，十分特别，因为一般餐厅都只系普通薯菜就算，焗芝士薯饼入面酿左芝士，好鬼惹味！跟著就试和牛啦！我点左七成熟，一入口真系无得弹！牛脂同肉既比例好，唔会好油腻，牛味好浓，的确系和牛！其他餐厅依个价一定俾唔到依个质素！整体对餐厅质素十分满意，性价比高，估唔到黎到深水埗有和牛食！