S3 186

营业中

休息中

原来北河街深水埗有一间抵食西餐厅，好适合朋友聚会。我哋两个人叫咗两个dinner set，只要叫主食、沙律或者Pizza，就可以加$48升级，有是日厨师餐汤、沙律、饮品及甜品各一份。...我哋两个人分别叫咗一个大西洋比目鱼柳同埋肉酱意粉。烤大西洋比目鱼嚟到上菜嘅时候已经非常之香，食落去系啖啖肉嘅鱼柳，煎得好好，而且个薯蓉唔会好漏，入口即溶嘅感觉，加埋其他配菜好好食！另外肉酱意粉都唔细碟，面头沈咗芝士粉，依个价钱嚟讲算系咁！...我哋餐饮都系叫咗冻柠茶，糖水系另上，自己想加几多就加几多。田园沙律都唔算细分，而且酱汁都非常之适中！餐汤方面，我想讲个餐汤碗真系好靓，饮落去都非常之足料。去到食完嘅时候店员帮我哋上咗甜品，系两杯布丁，上面有一粒蓝莓同埋唧咗cream。过程期间店员都非常之细心，留意我哋食紧嘅状况，会主动过嚟收碟上菜！