越萊 (福榮街)

营业中

休息中

迟左食午餐，咁啱到左下午茶时段，见到呢间越莱既下午茶餐都几啱食，就去试下。呢个下午茶餐真系极抵食！$38有得拣一款包或者粉面，再加一款小食同埋饮品，而且份量都唔会好少，完全系食得饱既。1⃣️法式吉列猪扒包+海防炸虾饼+越南黑咖啡（$38）吉列猪扒新鲜炸起好香脆，炸衣唔会好厚，食落猪扒有少少香茅味🤤个包食落松软，入面除左大大块吉列猪扒之外，仲有啲椰菜丝、青瓜、蕃茄同埋沙律酱，令成个包食落去多几分清爽😋  小食拣左炸虾饼，虾饼唔算好大粒，但系都有咁上下厚度，食落有口感👍  另外饮品除左普通柠茶柠水呢啲之外，仲有得拣越南咖啡、咸柠七呢啲，都唔洗加钱！拣左越南黑咖啡，饮落味道偏甘口。