影片
更多
2014-02-19
2055 浏览
真实对白:店员:「想食乜？」(手指指向餐牌上嘅鸡同羊卡巴)我:「羊卡巴啦。」店员:「有少少辣㗎。饮啲乜？」我:「要加几钱？」店员:「见你咁靓仔，送俾你啦！」我: (𪠳，系唔系都送咋啩。)「咁冻柠茶啦... 咦土耳其柠茶同普通柠茶有乜分别㗎？」店员:「其实都系差唔多嘢啫。」我: 「咁土耳其柠茶驶唔驶加钱？」店员:「都系热饮免费冻饮加两蚊。」我: (咁餐牌上面分柠茶同土耳其柠茶做乜。) 「咁羊卡巴同冻土耳其柠茶吖唔该。」经过一轮春田花花式常餐同特餐都系差唔多之类嘅对白之后，终于有得食。结果，店员果然诚实，土耳其茶真系完全唔觉同普通茶冇分别，好彩唔驶加钱，特登分两项唔通纯属整色整水？羊卡巴唔算辣，汁多到滴出嚟，但完全唔觉辣。羊有微膻味啱爱羊之人食。整体水准可接受，五十蚊唔算贵，正唔正宗就唔识分喇。不过以呢个美食广场嚟讲算高消费，五十蚊两件卡巴，食晒仅仅够饱，人哋十几蚊有碟意粉三十蚊大大碟三𩠌饭...
店员:「想食乜？」(手指指向餐牌上嘅鸡同羊卡巴)
我:「羊卡巴啦。」
店员:「有少少辣㗎。饮啲乜？」
我:「要加几钱？」
店员:「见你咁靓仔，送俾你啦！」
我: (𪠳，系唔系都送咋啩。)「咁冻柠茶啦... 咦土耳其柠茶同普通柠茶有乜分别㗎？」
店员:「其实都系差唔多嘢啫。」
我: 「咁土耳其柠茶驶唔驶加钱？」
店员:「都系热饮免费冻饮加两蚊。」
我: (咁餐牌上面分柠茶同土耳其柠茶做乜。) 「咁羊卡巴同冻土耳其柠茶吖唔该。」
经过一轮春田花花式常餐同特餐都系差唔多之类嘅对白之后，终于有得食。结果，店员果然诚实，土耳其茶真系完全唔觉同普通茶冇分别，好彩唔驶加钱，特登分两项唔通纯属整色整水？羊卡巴唔算辣，汁多到滴出嚟，但完全唔觉辣。羊有微膻味啱爱羊之人食。整体水准可接受，五十蚊唔算贵，正唔正宗就唔识分喇。不过以呢个美食广场嚟讲算高消费，五十蚊两件卡巴，食晒仅仅够饱，人哋十几蚊有碟意粉三十蚊大大碟三𩠌饭...
张贴
