公和荳品廠

营业中

休息中

有细食到大嘅一间豆腐店，好多街坊帮衬，价廉物美，无论系酿豆腐，豆卜，定系豆浆，豆腐花，都非常之有豆香。不过，舖头入边空间非常之狭窄，疫情之下进食就唔系太方便啦。而且，好容易同隔离位嘅人互相碰撞，所以如果你系拎住大量物品物件，又或者冬天着好厚衫，都会感觉有啲唔方便嘅。落单方面，店员其实都冇乜系统，客人多数都系举只举起手、大声嗌阿姐阿叔，就会有人行埋黎应你，所以间唔中都会出现漏单嘅情况。到最后埋单，客人都要记得拎返属于自己𠮶张单出去铺面收银位俾钱，最好自己计埋自己应该俾几多钱，咁样就会比较万无一失啦。不过，个人觉得都系非常之值得一试嘅，算平民小食来讲，性价比非常之高嘅一款。