軟橋米苔目餐廳 (已搬遷) 新店位置

赶住去睇戏，于是乎去附近小店黎个速食，软桥米苔目感觉好似车仔面店，原来系食台湾嘅特色米苔目同小食。价钱相宜，所以我地都嗌左唔少嘢😂蒜蓉白肉超大块，有满满嘅蒜蓉铺喺面，好多嘅粉丝喺底，几样野夹埋嚟一齐食，非常有口感，味道充满蒜味之余仲有小小香辣，唔错~q弹豆腐外皮煎得非常香脆，但咬落豆腐嘅质感竟然唔系 软淋淋 而系非常弹牙，好特别！凉拌皮蛋 ：虽然系小店，但卖相好精致~ 酱汁带得微辣，几好食👏🏻我嗌咗猪骨汤底，配料拣咗冬菇猪润同韭菜 ， 汤系非常入味，而且好清清甜甜，一啲味精都冇， 饮晒成碗都唔会口渴！韭菜爽脆， 猪润同冬菇煮得啱啱好，而且份量仲好足！！朋友就嗌咗鲜茄汤底， 汤底茄味好浓， 甜甜酸酸嘅好开胃！𩠌就拣咗鸭肉，牛肉同韮菜饺。 韭菜饺馅料非常足，而且韭菜同肉嘅比例啱啱好，牛肉同鸭肉口感亦唔错，唔会煮得老左👍🏻面我哋都拣咗店主非常推介嘅米苔目， 睇落好似狗仔粉同银针粉，但食落畀两者嘅感觉更加qq弹牙、更加有口感😋最欣赏系店主嘅态度非常热情，而且价钱仲系几平，一定会再encore!