新康記粥店

营业中

休息中

去完旅行食太多唔太舒服，喺医院睇完医生要揾啲嘢食先返公司。上网揾咗呢间粥铺，天气太热唔理咁多入去试一试。入到去都系正常一个人带位落单上菜，门口无人就指咗我坐门口，开扬啲会热啲。我叫咗一碗粟米粥同一碟鲜牛肉肠，希望会够饱。粟米粥应该系用罐头粟米，粥够米量无偷工减料。鲜牛肉肠都好足料，每一嚿都有牛，不过肠粉一啲都唔滑，非常厚身，只求填饱个肚而无乜功夫可言。整体而言，价钱合理，质素正常，食得饱，环境一般，飞虫难免，区内无乜粥店，唔要求太高嚟呢度食都还可以。