一生懸麵 (荃灣千色匯I) (已結業)

今晚放咗工行開荃灣，之前經過千色匯3、4樓好多嘢食， 就喺度搵食先。見到有間一生懸麵， 之前喺九龍灣食過好好味，今次就試下呢間分店先。比起九龍灣，坐得舒服好多比較寬敞，服務員態度非常友善。檸檬柚子沾麵呢排天氣咁熱最啱食一啲酸酸的食材，加咗檸檬同柚子， 令到碗麵感覺清新好多，也減去了一点点肥膩感， 沾麵湯底是分開上的 ，熱辣辣。每一啖麵沾上湯，份外滋美。 不得不提塊豬肉， 烹煮得好淋好入味，加上少少焦燶， 味道不錯。餃子共五隻28蚊，價錢算係ok扺， 即叫即煎，外層香脆， 餡料豐富。唐揚炸雞共四件32蚊， 大大件，性價比高， 炸得好脆好香口，都係熱辣辣， 不過略嫌炸得多咗少少， 肉質較乾身， 我會點湯一起吃， 會好味啲。