一生懸麵 (荃灣千色匯I) (已結業)

今晚放咗工行开荃湾，之前经过千色汇3、4楼好多嘢食， 就喺度揾食先。见到有间一生悬面， 之前喺九龙湾食过好好味，今次就试下呢间分店先。比起九龙湾，坐得舒服好多比较宽敞，服务员态度非常友善。柠檬柚子沾面呢排天气咁热最啱食一啲酸酸的食材，加咗柠檬同柚子， 令到碗面感觉清新好多，也减去了一点点肥腻感， 沾面汤底是分开上的 ，热辣辣。每一啖面沾上汤，份外滋美。 不得不提块猪肉， 烹煮得好淋好入味，加上少少焦㶶， 味道不错。饺子共五只28蚊，价钱算系ok扺， 即叫即煎，外层香脆， 馅料丰富。唐扬炸鸡共四件32蚊， 大大件，性价比高， 炸得好脆好香口，都系热辣辣， 不过略嫌炸得多咗少少， 肉质较干身， 我会点汤一起吃， 会好味啲。