上海老家 (已結業)

今日午餐去左大角咀既平民价上海老家食饭，喺奥运港铁站出黎行几条街就到，都唔难揾。落单用QR code。今次叫左一个客饭餐，一碗面同两份小食分享。咕噜肉 $55咕噜肉有十几件，都几大件，皮唔算过厚，肉有少少实，配料有番茄，青椒，洋葱同菠萝。个汁酸酸甜甜，好开胃。配大大碗白饭，多到食唔哂。客饭送埋例汤，个汤少少咸，好清无油，有红萝卜，冬瓜同猪肉食，仲有南北杏。排骨汤面 $55排骨同汤面分开上，仲切到细片方便食用，好贴心。排骨整得好脆，而入面既猪肉好嫩，味道咸度适中，唔会太咸，好食。面系幼身上海面，好清淡，份量好多，上面洒上少量葱花调味，配有几条白菜心。熏蛋 $15熏蛋一开二，冻冻地好适合炎炎夏日食。蛋黄好滑溜而蛋黄味香，味道好清淡。炸馒头 $30炸馒头一客3件，炸得薄皮好脆而入面松软，配另上既炼奶就变左一道甜品。食物方面，都几似家常菜式，味道偏清淡，感觉健康。