僕之拉麵 (已結業)

自从有返晚市，我就急不及待约朋友见吓面，今日就约咗朋友去仆之拉面食个面兼见个面。拉面店通常嘅招牌菜式就系佢哋嘅汤底，呢度主打猪骨汤，亦有分浓汤同清汤。另外仲有唔同嘅小食可供选择。我一向比较贪心，所以就拣咗份量最多嘅特选拉面，而呢碗拉面就选择咗配以清汤原味。估唔到清汤嘅味道都咁丰富，非常鲜味，绝对系多饮无妨。而我拣特选拉面嘅原因，就系俾呢条炙叉烧吸引住。炙叉烧有炭烧嘅味道，半肥瘦嘅猪肉烧得够甘香而且又不太油腻。味付鸡蛋做到蛋黄呈半熟，非常好味！两块紫菜浸落清汤享用，更加是绝配。朋友就拣咗简单啲嘅叉烧拉面配以浓汤原味。讲到明系两倍叉烧，所以叉烧嘅份量多到可以围满整个碗边。猪骨浓汤嘅油脂比较丰富，饮起上嚟较有质感，配合拉面味道亦唔错。嚟到冇理由只系食拉面，一于叫多两份小食开心share。炸鸡上枱热辣辣，因为用上鸡髀肉，所以口感特别嫩滑。炸章鱼亦系我嘅至爱，口感弹牙，加埋包围住嘅炸浆，真系可以食唔停口！