清真牛肉館 (打鼓嶺道)

营业中

休息中

早几日响庙街食完间垃圾食肆之后，今日要食返间有口啤嘅安慰自己，星期六中午12点零到，排队5分钟就可以入去，入面基本上要搭枱，就算唔驶搭枱都系好挤拥，不过唔紧要啦，最紧要食好西。🥢羊肉小笼包 $60⭐️⭐️⭐️⭐️第一次食羊肉小笼包，馅料差唔多成嚿都系羊肉，好juicy少少膻，即叫即蒸热辣辣好味。🥢羊肉春卷(2条) $42⭐️⭐️⭐️羊肉比例较少，基本上全部都系白萝卜丝，似系萝卜丝酥饼多啲，再加少少羊味，其实系几好味。🥢羊肉煎饺 (5只) $58⭐️⭐️⭐️⭐️同小笼包个馅一样，只系个饺子皮会厚啲啲，同煎香咗惹美咗，同样juicy好味。🥢咖喱羊腩饭🌶️ $67⭐️⭐️⭐️声称一只辣椒，但辣度不容忽视，唔系一般微辣，我只试过一件羊腩，系好腍好膻咖喱几香嘅⋯⋯如果多人而且食得辣，散叫咖喱羊腩系不错选择，羊肉份量起码系3倍，好抵食。🥢豆浆 $14⭐️⭐️⭐️⭐️二人共消费：$241