影片
更多
2023-05-29
1470 浏览
一直都知渔场台风（又称旺台，仲有两间分店分别系荃台同湾台）好好食，但条队同样好和味，所以一直无食过。见平日收工时间尚早，断估唔洗排，特登嚟碰下运气。果然幸运地直入。入到去，店员用日文向我打招呼，并安排位置就座。我坐嘅位置比较边边，可以一眼睇哂成间铺嘅装潢。比起湾台，旺台嘅日式动漫风装修特色更为突出同浓厚，中意动漫嘅朋友绝对可以嚟朝圣一下，顺手食个面。我叫左晚市价钱最相宜嘅鱼介豚骨拉面（$78）。面量拣200g系惊唔够饱，但结果居然系太饱😂真系唔好睇少店家讲嘅「面量系其他拉店嘅1.5倍」呢句说话，系真嘅！一般食量嘅朋友拣150g面量就ok啦。味道方面，拣浓厚嘅酱汁真系无错，鲣鱼汤嘅浓郁咸香味非常令人沉醉，唔会死咸，配搭挂汤得嚟又烟韧适中嘅拉面，可谓近乎完美。成碗拉面嘅平衡做得非常出色。配料方面，有一堆葱花，4-6条荀同一块嘅叉烧。一块叉烧对大胃一族嚟讲会有啲少，但胜在油脂唔多，比较瘦，所以就算只系一块都过足口瘾。更甚者，正因为叉烧唔肥，你先更有动力食咁大份量嘅面。谂下食到成口肥油，都唔想食面啦😂另外荀嘅口感唔会淋bat bat，索哂汤食摆入口风味甚佳。总括而言，旺台比湾台系拉面综合质素方
入到去，店员用日文向我打招呼，并安排位置就座。我坐嘅位置比较边边，可以一眼睇哂成间铺嘅装潢。比起湾台，旺台嘅日式动漫风装修特色更为突出同浓厚，中意动漫嘅朋友绝对可以嚟朝圣一下，顺手食个面。
我叫左晚市价钱最相宜嘅鱼介豚骨拉面（$78）。面量拣200g系惊唔够饱，但结果居然系太饱😂真系唔好睇少店家讲嘅「面量系其他拉店嘅1.5倍」呢句说话，系真嘅！一般食量嘅朋友拣150g面量就ok啦。
味道方面，拣浓厚嘅酱汁真系无错，鲣鱼汤嘅浓郁咸香味非常令人沉醉，唔会死咸，配搭挂汤得嚟又烟韧适中嘅拉面，可谓近乎完美。成碗拉面嘅平衡做得非常出色。
配料方面，有一堆葱花，4-6条荀同一块嘅叉烧。一块叉烧对大胃一族嚟讲会有啲少，但胜在油脂唔多，比较瘦，所以就算只系一块都过足口瘾。更甚者，正因为叉烧唔肥，你先更有动力食咁大份量嘅面。谂下食到成口肥油，都唔想食面啦😂另外荀嘅口感唔会淋bat bat，索哂汤食摆入口风味甚佳。
总括而言，旺台比湾台系拉面综合质素方面不相伯仲，一样令人惊艳，一样令我清碗。我食完半个钟都仲有浓郁嘅鲣鱼香味系口腔久久不散，就好似提醒我下次再去食咁。既然系咁，绝对有下次啦！
（温馨提示，如果要食沾面就记得午市嚟，晚市只有拉面供应，拉面同沾面并不同时供应。）
鱼介豚骨拉面
$78
70 浏览
0 赞好
0 留言
张贴
