薄荷葉泰國菜

营业中

休息中

元朗而家好热闹，选择性又多咗，今日经开图书馆，望到对面有间食泰国菜，我同老公就入去食嘢。外面都有座位，夜晚同朋友饮嘢倾吓偈都唔错。清迈蕉叶烧鱼放上蕉叶嘅马友鱼，先淋甜豉油，再落青柠汁，附加一碟泰式辣酱，马友鱼唔多骨，好多肉，肉质好滑，啱晒唔识食鱼嘅我，之前落咗嘅调味，食落酸酸甜甜，我再沾一点泰式辣酱，食落更野味同开胃。泰式生虾刺身生虾肉质爽口，虾上面嘅酱汁同碟上面嘅酱汁系唔一样，夹埋一齐食之后味道系泰式酸辣，都算辣但多咗一层香草味，佢嘅虾系新鲜嘅，唔系冷藏虾，所以口感更弹牙，食多6只都可以。炭焼牛小排炭烧半生熟牛小排，唔会烧过龙，每片细细片，唔会觉得腻，口感滑肉味浓，配以两款调味，可以沾泰式酱或一点点盐，更感风味。Apple Somersby有汽苹果味嘅饮料，苹果味道清新，成支插入个杯，多冰超级够冻，食辣野就啱晒。椰青好大个椰青，入面满满清甜椰水，又够冻又解渴。