泰 (已結業)

慈雲山偶然發現一間泰國食府，因為岩岩泰國阿姨喺門口，令到我好想入去試一試。餐廳入面牆壁畫了大象，充滿清邁的感覺。第一次嚟，試下廚房啲手勢有幾泰國風味。 食落味道比較清淡，所以我更加覺得佢係清邁的泰國菜。泰式肉碎生菜包豬 : 真係幾好食。瘦肉多過肥肉，味道清淡而帶有酸味。熱辣辣用生菜包住食，食多兩啖，都唔覺漏，啱曬健康嘅我。招牌泰式海南雞 : 雞肉又嫩又滑，再配埋佢嘅海南雞醬就特別好味，連佢個豉油醬汁都特別好味 ; 我覺得佢好食過水門街嘅雞醬。泰式紅咖哩豬肉 : 少少辣，勝在材料十足。大人細路都啱食，如果加埋白飯仲冇得頂。這是港式奶茶，味道比好多茶餐廳更好。可能好多香港人都唔鍾意泰國茶嘅味道，所以佢哋改良咗。不過勝在夠大杯，飲都飲唔曬。喺門口見到有啲套餐同火鍋，下次可以再嚟試清楚。